• Skip to main content
  • Skip to primary sidebar

ShaqirSalihu.com

Shtegtimi i një mësuesi shqiptar nga burgjet serbe te Zëri i Amerikës

  • Faqja kryesore
  • Rreth Shaqir Salihut
  • Media
  • Rreth librit
    • Përmbajtja
    • Pjesë nga libri Rrëfime lirie
    • Komente për librin
    • Mbresat e gazetares së Radio Kosovës Behare Bajraktari për intervistën me Shaqir Salihun
You are here: Home / Rrëfime lirie: Shtegtimi i një mësuesi shqiptar nga burgjet serbe te Zëri i Amerikës

Rrëfime lirie: Shtegtimi i një mësuesi shqiptar nga burgjet serbe te Zëri i Amerikës

Përshkrimi i një historie epike. Një dramë, në të cilën e gjejnë veten shumë shqiptarë. Dhimbje, dhunë, shtypje, revoltë dhe një udhëtim homerik drejt lirisë. Një rrëfim për udhën e gjatë të një njeriu për të gjetur lirinë e tij dhe të vendit ku lindi, u rrit, u burrërua para kohe dhe të cilin nuk e shijoi dot tërësisht.

“Rrëfime lirie: Shtegtimi i një mësuesi shqiptar nga burgjet serbe te Zëri i Amerikës” i ka të gjitha. Është një histori personale. Është roman. Është poezi. Ka dramë dhe romancë; ka luftë dhe paqe; ka pranga dhe liri; ka intrigë dhe çiltërsi. Ka gjak; Ka lot dhimbjeje dhe lot gëzimi.

>>Rrëfime lirie: Blijeni në Amazon<<

Nëse do të mësosh për Kosovën e pas Luftës së Dytë Botërore; shtypjen e fortë serbe të epokës së Rankoviçit; mësymjen për liri dhe të drejta të rinisë kosovare; demonstratat e vitit 1968, të gjitha i gjen në këtë libër, gërshetuar në mënyrë të stërholluar me histori vetjake, të vërteta e të përshkruara në detaj.

Nisja e demonstratave në Kosovë
Fotografi nga demonstratat e vitit 1968 në Kosovë, ku ishte pjesëmarrës edhe autori

Ky libër është rrugëtimi i një njeriu që endej sa mes mbijetesës në varfërinë e skajshme dhe represionit serb; aq edhe mes burgjeve, torturave, diskriminimit dhe trajtimit si qenie e dorës së dytë, siç ndodhte me shqiptarët asokohe.

Është historia e autorit, e treguar rrjedhshëm nga ai, me një stil letrar e artistik që të bën ta përpish brenda një nate të gjatë dimri. Të ngjan si një përrallë që ta tregon gjyshja pranë zjarrit një natë të ftohtë janari, me dëborë e acar tej dritares që ka ngrirë e ku ti e dëgjon tërë kërshëri e nuk do të doje që nata të mbaronte pa mbaruar përralla më parë.

Salihu Salihu Rrëfime lirie
Shaqir Salihu, 1968

E derdhur në rreshtat e librit është historia e një konti të ri Monte-Kristoje, që i shpëton burgimit të egër dhe hidhet me anije përtej detit dhe oqeanit. Veçse nuk hakmerret duke vrarë ata që e burgosën. Nuk ndodh gjithçka brenda ditës. Nuk është as përrallë pra. Është histori jete. Zgjatet e zgjatet me halle e derte. Me sfida e kurajo. Me dëshpërim e shpresë. Gjersa autori e gjen hakmarrjen e shumëpritur.

Vendi për të cilin luftoi dhe u burgos kur ishte i ri, u çlirua më në fund dhe gjeti pavarësinë. E arritën tërë bijtë e tij me ndihmën e miqve amerikanë, nga zemra e vendit të të cilëve, nga kryeqyteti Uashington DC autori punoi jo pak për idealin e shqiptarëve: Kosova e lirë dhe e pavarur.

Nuk është vetëm përplasja me të ndryshmin, por edhe ajo me të ngjashmin. Jo vetëm lufta me hasmin, por edhe ajo me vëllanë. Në librin “Rrëfime lirie: Shtegtimi i një mësuesi shqiptar nga burgjet serbe te Zëri i Amerikës” gjithkush mund të gjejë edhe një histori të detajuar të një prej mediave më të mëdha shqipfolëse dhe që ka më shumë ndjekës, Zëri i Amerikës.

Nelo Drizari, gazetari dhe drejtuesi i parë i shërbimit shqip të Zërit të Amerikës
Nelo Drizari, gazetari dhe drejtuesi i parë i shërbimit shqip të Zërit të Amerikës

Autori ka punuar më shumë se 30 vite në këtë media, në Uashington DC. Përveç faktit që ai ka qenë dëshmitar i ecurisë së kësaj mediaje prej vitit 1980 gjer kur ai doli në pension ditën e fundit të vitit 2012, autori sjell edhe mjaft fakte dhe dokumente, si dhe prodhime ndër vite të shërbimit në shqip të Zërit të Amerikës.

1951 Zëri i Amerikës
1951 — Talat Karagjozi gjatë një transmetimi radiofonik
të Zërit të Amerikës në shqip

Një libër që përmbledh gazetarët dhe drejtuesit ndër vite të shërbimit në shqip të Zërit të Amerikës, që prej themelimit në vitin 1943 e deri në ditët e sotme. Një rrëfim mbi intrigat, që janë jo të pakta në këtë shërbim, si dhe për arritjet e medias së njohur.

Një vështrim i brendshëm, përtej asaj që njerëzit shohin në ekran, kanë dëgjuar në radio apo lexojnë në internet. Një libër aq i larmishëm që nuk duhet të mungojë në raftin e lexuesve shqiptarë.

Klikoni këtu për listën e plotë të kapitujve të librit “Rrëfime lirie”

Klikoni këtu për të blerë “Rrëfime lirie”

Primary Sidebar

PROMOVIMI NË PRISHTINË I LIBRIT “RRËFIME LIRIE”

https://www.youtube.com/watch?v=PizpwpuRAzo

“Like” Shaqir Salihu e Facebook

Facebook Pagelike Widget

PJESË NGA LIBRI “RRËFIME LIRIE”

  • Fëmijë vendas në çifligun e kolonëve
  • Aksioni i çarmatimit
  • Mësues shqiptar në Dardaninë e pushtuar
  • Burgosja për të dytën herë
  • Lirimi nga burgu dhe përgatitja e arratisë
  • Rruga e mërgimit
  • Takimi im i parë me Ernest Koliqin
  • Pranë Shtatores së Lirisë
  • Në kryeqytetin e Amerikës
  • Kontakti i parë me Zërin e Amerikës dhe me atdhetarët shqiptarë
  • Zëri i Amerikës: Fillimi në një mot të vështirë
  • Tradhtia e madhe: Si u eliminuan kosovarët e VOA-s
  • Mote të vështira
  • Hello My Name is Helen Murphy…
  • Fundshekulli i trazuar i trojeve Shqiptare
  • Lufta në Maqedoni dhe Zëri i Amerikës
  • Drejt pensionit pas tri dekadash
  • Veprimtaria e Shqiptarëve të Amerikës
Rreth Shaqir Salihut
Media
Zëri i Amerikës SoundCloud
Rreth Rrëfime lirie

Facebook    Twitter

  • Affiliate Disclaimer
  • Terms of Service & Privacy Policy
Copyright 2023 ShaqirSalihu.com